ചികിത്സാസഹായം വിതരണം ചെയ്തു.

വാടാനപ്പള്ളി : തളിക്കുളം,   വലപ്പാട്, നാട്ടിക, ഗ്രാമപഞ്ചായത്തുകളിലെ രോഗികൾക്ക് സംസ്‌ഥാന സർക്കാരിന്റെ ചികിത്സാസഹായമായ എട്ടേമുക്കാൽ ലക്ഷം രൂപ വിതരണം ചെയ്തു. സ്‌ഥലം എംഎൽഎ ഗീത ഗോപി മുഖേന സർക്കാരിന് സമർപ്പിച്ച അപേക്ഷകൾ പരിഗണിച്ചാണ് സഹായധനം അനുവദിച്ചത്.
വലപ്പാട് ഗ്രാമപഞ്ചായത്ത് ഹാളിൽ ഗീത ഗോപി എംഎൽഎ വിതരണം ഉദ്ഘാടനം ചെയ്തു. വലപ്പാട് ഗ്രാമപഞ്ചായത്ത് പ്രസിഡന്റ് ഇ.കെ.തോമസ് മാസ്റ്റർ അധ്യക്ഷനായിരുന്നു. തളിക്കുളം ബ്ലോക്ക് പഞ്ചായത്ത് പ്രസിഡന്റ് എം.ആർ.സുഭാഷിണി, ഗ്രാമപഞ്ചായത്തംഗങ്ങളായ കെ.എം.അബ്ദുൾ മജീദ്, ഷിജിത്ത്, ജയഭാരതി ഭാസ്കരൻ, കൃഷ്ണവേണി പ്രമോദ്, തുളസി സന്തോഷ് എന്നിവർ പങ്കെടുത്തു.